Ivar Kleiva

Ivar Krohn Gunvald Kleiva (17. mai 1903–5. mai 1998) var ein lærar, forfattar og lokalhistorikar frå Eidsdal på Sunnmøre, busett på Dalsøyra i Gulen kommune.

Kleiva avla lærareksamen i 1926 og arbeida som lærar i Torsken frå 1927 til 1940. I løpet av denne perioden tok han også ex.phil. ved Universitetet i Oslo, latinkurs, kurs i revisjon og bokholderi, snikkarkurs ved Statens husflidskole, Blaker, og kurs i fagteikning for snikkarar. I krigsåra var han lærar i Haram, før han kom til Gulen i 1946. Deretter var han rektor ved Dalsøyra skule fram til pensjonsalder i 1970.

Kleiva sat i Gulen kommunestyre for Arbeiderpartiet i 25 år, ei rekke av desse åra som formannskapsmedlem. Han var også kommunerevisor, medlem av skulestyret og leiar av Gula lærarlag, Gulen Arbeiderparti, Gulen Mållag og ungdomslaget «Fridom». Dessutan var han i 20 år dirigent for songkor, mellom andre Dalsøyra songkor.

For si samfunnsnyttige teneste vart han heidra med Kongens fortenestmedalje i sølv. I 1954 mottok han litteraturprisen Melsom-prisen til fremje av nynorsk.

Ivar Kleiva er far til biletkunstnaren Per Kleiva, som har illustrert to av faren sine bøker.

Bibliografi

Bøker

1946 – Med «Steggen» på Storegga (Oslo: Norli) I fulltekst ved nb.no
1950 – Mann og mannsemne (Oslo: Norsk barneblad) I fulltekst ved nb.no
1950 – «Hugin» på vidvank (Oslo: Norli) I fulltekst ved nb.no
1953 – Vågar (Oslo: Damm) I fulltekst ved nb.no
1957 – Reven har ein lang trefot : sermelding frå London (Oslo: Norsk barneblad) I fulltekst ved nb.no
1962 – Det byrja som leik (Oslo: Norsk barneblad) I fulltekst ved nb.no

1966 – På oppdagingsferd i Sogn (Oslo: Noregs boklag) I fulltekst ved nb.no
1968 – Bussen (Larvik: Norsk barneblad) I fulltekst ved nb.no
1973 – Gulen i gammal og ny tid : gards- og ættesoga. 1 (Gulen: Gulen kommune) I fulltekst ved nb.no
1973 – Gulen i gammal og ny tid : gards- og ættesoga. 2 (Gulen: Gulen kommune) I fulltekst ved nb.no
1973 – På ferie til utkantgrenda (Oslo: Samlaget) I fulltekst ved nb.no
1973 – Gulen i gammal og ny tid : gards- og ættesoga. 3 (Gulen: Gulen kommune) I fulltekst ved nb.no
1981 – Dei to sverdsmedane (Oslo: Oktober). ISBN 82-7094-305-3 I fulltekst ved nb.no
1985 – Noko om Teodora Nilsen og Hilmar Pettersens forfeder, ætt og etterkomarar (Bergen: I. Kleiva) I fulltekst ved nb.no
1990 – Skisser og minne frå Gryllefjord i hardåra 1927-40 (Søfteland: I. Kleiva) I fulltekst ved nb.no
1995 – Nedfallsfrukt : dikt (Valldal: Norddal mållag) I fulltekst ved nb.no
1996 – Gulen i gammal og ny tid : gards- og ættesoga : B. 1 (Eivindvik: Gulen kommune). ISBN 82-7101-022-0 I fulltekst ved nb.no [Prosjektleiar for 2. rev. utg.: Andreas Grinde]
1996 – Gulen i gammal og ny tid : gards- og ættesoga : B. 2 (Eivindvik: Gulen kommune). ISBN 82-7101-021-2 I fulltekst ved nb.no [Prosjektleiar for 2. rev. utg.: Andreas Grinde]
1996 – Gulen i gammal og ny tid : gards- og ættesoga : B. 3 (Eivindvik: Gulen kommune). ISBN 8271010220 I fulltekst ved nb.no [Prosjektleiar for 2. rev. utg.: Andreas Grinde]